അങ്ങനെ ആ റിപ്പോർട്ട് വന്നു . കേരള ഹൌസിൽ ഡൽഹി പൊലീസ്സു അതിക്രമിച്ചു കയറിയത് ക്രമ സമാധാന പാലനത്തിന്. അടുക്കളയിൽ കയറി പരിശോധിച്ചതും അതിനു തന്നെ. ഉദ്യോഗസ്ഥരെ ചോദ്യം ചെയ്തങ്കിൽ.. സംശയം വേണ്ട സമാധാന സംരക്ഷണത്തിനു തന്നെ .
ബീഫ് കാള ഇറച്ചി അങ്ങനെ ഒന്നും ഡൽഹി പോലീസിന്റെ നിഖണ്ടുവിലോ സ്വപ്നത്തിലോ പോലും ഉണ്ടായിരുന്നില്ല .
raid എന്നൊക്കെ പറഞ്ഞു പരത്തിയത് തല്പര കക്ഷികൾ. ഈ മഹാരാജ്യത്തിന്റെ സല്പേര് കളങ്കപ്പെടുത്താൻ .
ശ്രീശാന്തിനെ പണ്ട് അറസ്റ്റ് ചെയ്തതും കരി നിയമത്തിൽ പെടുത്തി ജാമ്യം നിഷേധിച്ചതും ജയിലിൽ സുഖസൌകര്യങ്ങൾ ഒരുക്കി കൊല്ലാൻ ശ്രമിച്ചതും ഒക്കെ ..ഇപ്പോൾ ആലോചിക്കുമ്പോൾ... അങ്ങേരുടെ സുരക്ഷയെ കരുതി ആയിരുന്നു . അതിനു വേണ്ടി മാത്രം ആയിരുന്നു . അല്ലാതെ വെള്ളത്തൂവാല പോക്കെറ്റിൽ തിരുകി ക്രിക്കെറ്റ് കളിച്ചു എന്ന ഭീകര കുറ്റത്തിനാണെന്ന് ആരെങ്കിലും പ്രചരിപ്പിച്ചു എങ്കിൽ... ലക്‌ഷ്യം വ്യക്തം. സല്പേര്... കോടതിക്ക് പിന്നീട് തെറ്റ് പറ്റിയോ എന്നത് വേറെ കാര്യം .
സത്യത്തിൽ ഡൽഹി പോലീസിന്റെ ഈ ദീർഖവീക്ഷണവും ശുഷ്കാന്തിയും പക്ഷപാത നിഷേധവും ഇല്ലായിരുന്നെങ്കിൽ ഇന്ത്യ ഇപ്പോൾ എവിടെ എത്തിയേനെ
No comments:
Post a Comment