badge

q u o t e

Sunday, March 1, 2015

ഒരു കാസർഗോടു യാത്രയുടെ ഓര്മ്മയ്ക്ക്


നാലു കാലിൽ നടത്തണം 
കൈകൾ കുത്തി നടത്തണം
കഴുത്തിലൊരു കയറിട്ടു
തുമ്പു നിങ്ങൾ  പിടിക്കണം

എന്നെ നേരെ നടത്തണം
ചാട്ടവാർ കൊണ്ടടിക്കണം
നോട്ടം തെറ്റാതിരിക്കാനായ്
 മിഴി കോണുകൾ മറയ്ക്കണം 

കൂട് കെട്ടി ഇരുത്തണം
പുറത്തു പോകും നേരത്ത്
കാവലാളെ വയ്ക്കണം
ദുഷ്ടരല്ലേ പുറത്തുള്ളോർ

വെറുതെ  കറുപ്പിട്ടിട്ടും
മൂക്കും വായും  മറച്ചിട്ടും
കാര്യമൊന്നുമില്ലെന്ന്
ഇപ്പോൾ ഞാൻ അറിയുന്നു

ബാങ്കിൽ ഞാനിന്നു   ചെന്നപ്പോൾ
പർദ്ദ മാറ്റാൻ പറഞ്ഞവർ
മുഖം കണ്ടാലേ പറ്റൂ
എന്നൊക്കെ പറഞ്ഞവർ

എന്നെ നിങ്ങൾ നടത്തണം
കൂട്ടിലിട്ടു വളർത്തണം
പുറത്തൊന്നും വിട്ടെന്നെ
മനുഷ്യനാക്കാൻ ശ്രമിക്കല്ലേ